പി.കെ. ശശിയുടെ ഓഫിസിലേക്ക്​ മഹിളമോർച്ച മാര്‍ച്ച്​

സംഘര്‍ഷത്തിൽ ആറുപേർക്ക പരിക്ക് ചെര്‍പ്പുളശ്ശേരി: സ്ഥാനം രാജിവെക്കണമെന്നാവശ്യപ്പെട്ട് മഹിളാമോര്‍ച്ച പി.കെ. ശശി എം.എൽ.എയുടെ ഓഫിസിലേക്ക് നടത്തിയ മാര്‍ച്ചില്‍ സംഘര്‍ഷം. ഇരച്ചുകയറിയ പ്രവര്‍ത്തകരെ പൊലീസ് തടയുന്നതിനിടയിലാണ് സംഘര്‍ഷമുണ്ടായത്. മഹിളമോര്‍ച്ച സംസ്ഥാന പ്രസിഡൻറ് രേണു സുരേഷ്, സെക്രട്ടറി സിന്ധുരാജ്, നാല് വനിത പൊലീസുകാർ എന്നിവർക്ക് പരിക്കേറ്റു. ഇവരെ ചെര്‍പ്പുളശ്ശേരി ഗവ. ആശുപത്രിയില്‍ പ്രവേശിപ്പിച്ചു. ജില്ല പ്രസിഡൻറ് ബിന്ദു രാജഗോപാല്‍, ജനറല്‍ സെക്രട്ടറി ഗീതകുമാരി, കവിത, വൈസ് പ്രസിഡൻറ് ജീന ചന്ദ്രകുമാര്‍, മണ്ഡലം പ്രസിഡൻറ് അജിത, പി. സത്യഭാമ, സന്ധ്യ ജയപ്രകാശ് എന്നിവര്‍ പങ്കെടുത്തു.