ഓണറേറിയം ദുരിതമനുഭവിക്കുന്നവര്‍ക്ക്​ സമര്‍പ്പിച്ച് പഞ്ചായത്തംഗം

എടക്കര: അവശേഷിക്കുന്ന കാലയളവിലെ മുഴുവന്‍ ഓണറേറിയവും നവ കേരള സൃഷ്ടിക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കാനുള്ള തീരുമാനത്തിലാണ് എടക്കര ഗ്രാമപഞ്ചായത്തംഗം എം. വില്യംസ്. ഇതിനുള്ള അനുമതി പത്രം ഗ്രാമപഞ്ചായത്ത് സെക്രട്ടറി എസ്. ബാബുക്കുട്ടന്‍ നായര്‍ക്ക് വില്യംസ് കൈമാറി. എല്‍.ഡി.എഫ് സ്ഥാനാര്‍ഥിയായി 11 വാര്‍ഡില്‍ നിന്നാണ് വില്യംസ് തെരഞ്ഞെടുക്കപ്പെട്ടത്. രണ്ട് വര്‍ഷമാണ് പഞ്ചായത്ത് ഭരണ സമിതിക്ക് അവശേഷിക്കുന്ന കാലയളവ്. ഓരോ മാസവും ലഭിക്കുന്ന 7000 രൂപ ഓണറേറിയവും സിറ്റിങ് ഫീസി​െൻറ തുകയും ദുരിതാശ്വാസ നിധിയിലേക്ക് നല്‍കാനുള്ള അനുമതി പത്രമാണ് വില്യംസ് അധികൃതര്‍ക്ക് കൈമാറിയത്. ചടങ്ങില്‍ പ്രസിഡൻറ് ആലീസ് അമ്പാട്ട്, വൈസ് പ്രസിഡൻറ് കബീര്‍ പനോളി, ഉഷ രാജന്‍, സന്തോഷ് കപ്രാട്ട്, ഹെഡ് ക്ലര്‍ക്ക് കെ. രാജന്‍ എന്നിവര്‍ സംസാരിച്ചു. ചിത്രവിവരണം: (05-edk-3) ഓണറേറിയം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കാനുള്ള അനുമതിപത്രം പഞ്ചായത്ത് അംഗം എം. വില്യംസ് സെക്രട്ടറി എസ്. ബാബുക്കുട്ടന്‍ നായര്‍ക്ക് നല്‍കുന്നു edakkara- (05-edk-3)