60 തികഞ്ഞ എല്ലാ പ്രവാസികൾക്കും പെൻഷൻ നൽകണമെന്ന്​

വേങ്ങര: അറുപത് വയസ്സ് തികഞ്ഞ എല്ലാ പ്രവാസികൾക്കും വരുമാന പരിധി നോക്കാതെ പ്രവാസി പെൻഷൻ നൽകണമെന്ന് കേരള പ്രവാസി സംഘം വേങ്ങര പഞ്ചായത്ത് സമ്മേളനം ആവശ്യപ്പെട്ടു. സംസ്ഥാന കമ്മിറ്റി അംഗം ടി.പി. ദിലീപ് ഉദ്ഘാടനം ചെയ്തു. ടി.പി. മൊയ്തീൻ കുട്ടി അധ്യക്ഷത വഹിച്ചു. ഏരിയ സെക്രട്ടറി കെ. കുഞ്ഞിമുഹമ്മദ് സംഘടന റിപ്പോർട്ടും കെ. നാരായണൻ പ്രവർത്തന റിപ്പോർട്ടും അവതരിപ്പിച്ചു. പി. പത്മനാഭൻ, കെ.പി. സുബ്രമണ്യൻ, അബ്ദുറഹിമാൻ തെന്നല എന്നിവർ സംസാരിച്ചു. ഭാരവാഹികൾ: ടി.പി. മൊയ്തീൻ കുട്ടി (പ്രസി.) എം.പി. ബാലചന്ദ്രൻ (വൈ. പ്രസി) കെ. നാരായണൻ (സെക്ര.) എ.കെ. നൗഷാദ് (ജോ. സെക്ര.) സി.എച്ച്. ഇബ്രാഹിം ഷാ (ട്രഷ.).