അക്രമപരമ്പരകളെ ചെറുത്തുതോല്‍പിക്കും -എം.എസ്.എഫ്

മലപ്പുറം: യൂനിയൻ തെരഞ്ഞെടുപ്പ് പരാജയത്തി​െൻറ ജാള്യം മറക്കാൻ എസ്.എഫ്.െഎ നടത്തുന്ന അക്രമത്തെ ചെറുത്തുതോല്‍പിക്കുമെന്ന് എം.എസ്.എഫ് ജില്ല കമ്മിറ്റി. മുഴുവന്‍ കാമ്പസുകളിലും ജനാധിപത്യ രീതിയിലാണ് എം.എസ്.എഫ് തെരഞ്ഞെടുപ്പുകളെ നേരിട്ടത്. അതി​െൻറ പ്രതിഫലനമാണ് കഴിഞ്ഞദിവസത്തെ വിജയം. മലപ്പുറം കോളജില്‍ നടന്ന അക്രമം അപലപനീയമാണ്. സത്യപ്രതിജ്ഞ ചടങ്ങ് നടക്കുമ്പോള്‍ മാരകായുധങ്ങളുമായെത്തി യൂനിയന്‍ ചെയര്‍മാന്‍ ഉള്‍പ്പെടെയുള്ളവരെ ആക്രമിക്കുകയാണുണ്ടായത്. ഭരണത്തി​െൻറ മറവില്‍ പ്രതികളെ സംരക്ഷിക്കുന്ന നിലപാട് സ്വീകരിച്ചാല്‍ ശക്തമായ പ്രക്ഷോഭ പരിപാടികളുമായി എം.എസ്.എഫ് രംഗത്തിറങ്ങുമെന്നും ജില്ല പ്രസിഡൻറ് ടി.പി. ഹാരിസ്, ജനറല്‍ സെക്രട്ടറി വി.പി. അഹമ്മദ് സഹീര്‍ എന്നിവര്‍ പ്രസ്താവനയിൽ പറഞ്ഞു.