ഒമ്പതുവ​െര എട്ടു പാസഞ്ചർ ട്രെയിനുകൾ റദ്ദാക്കി, നാലെണ്ണം ഭാഗികമായും

തിരുവനന്തപുരം: പാളത്തിൽ അറ്റകുറ്റപ്പണി നടക്കുന്നത് ചൂണ്ടിക്കാട്ടി ബുധനാഴ്ച മുതൽ സെപ്റ്റംബർ ഒമ്പതുവരെ എട്ട് പാസഞ്ചർ ട്രെയിനുകൾ പൂർണമായും നാലെണ്ണം ഭാഗികമായും റദ്ദാക്കി. അതേസമയം, ലോക്കോ പൈലറ്റുമാരുടെ ക്ഷാമമാണ് സർവിസ് മുടങ്ങാൻ കാരണമെന്ന് ആരോപണമുണ്ട്. ലോക്കോ പൈലറ്റ് തസ്തികയില്‍ ഏറെക്കാലമായി ഒഴിവുകളുണ്ട്. പ്രളയബാധിത മേഖലകളില്‍ താമസിച്ചിരുന്ന 20 ഓളം ലോക്കോ പൈലറ്റുമാര്‍ ദുരിതാശ്വാസ ക്യാമ്പുകളിലായിരുന്നു. ഇതോടെയാണ് സർവിസ് പ്രതിസന്ധിയിലായത്. ഒമ്പതു വരെ റദ്ദാക്കിയ പാസഞ്ചർ ട്രെയിനുകൾ: ഗുരുവായൂർ-തൃശൂർ പാസഞ്ചർ (56043), തൃശൂർ-ഗുരുവായൂർ (56044), പുനലൂർ-കൊല്ലം (56333), കൊല്ലം-പുനലൂർ (56334), ഗുരുവായൂർ-തൃശൂർ (56373), തൃശൂർ-ഗുരുവായൂർ (56374), എറണാകുളം-കായംകുളം (56387), കായംകുളം-എറണാകുളം (56388, കോട്ടയം വഴി) ഒമ്പതു വരെ ഭാഗികമായി റദ്ദാക്കിയവ ...................................................................... ഗുരുവായൂർ-പുനലൂർ (56365) കൊല്ലത്ത് യാത്ര അവസാനിപ്പിക്കും പുനലൂർ-ഗുരുവായൂർ (56366) കൊല്ലത്തുനിന്ന് യാത്ര ആരംഭിക്കും കോഴിക്കോട്-തൃശൂർ (56664) ഷൊർണൂരിൽ യാത്ര അവസാനിപ്പിക്കും തൃശൂർ-കോഴിക്കോട് (56663) ഷൊർണൂരിൽനിന്ന് യാത്ര തുടങ്ങും.