വിസ തട്ടിപ്പ്; യുവാവ്​ അറസ്​റ്റിൽ

മണ്ണാർക്കാട്: വിദേശ ജോലിക്ക് വിസ നൽകാമെന്ന് പറഞ്ഞ് ലക്ഷങ്ങൾ തട്ടിയ യുവാവിനെ പൊലീസ് അറസ്റ്റ് ചെയ്തു. പുല്ലശ്ശേരി സ്വദേശി ഉമറുൽ ഫാറൂഖിനെയാണ് (29) മണ്ണാർക്കാട് എസ്.ഐ വിപിൻ കെ. വേണുഗോപാലും സംഘവും അറസ്റ്റ് ചെയ്തത്. 2017 ആഗസ്റ്റിലാണ് സംഭവം. സൗദി എയർപോർട്ടിൽ ജോലി നൽകാമെന്ന് പറഞ്ഞ് വിസക്ക് മൂന്നുപേരിൽനിന്ന് ഓരോ ലക്ഷം വീതം വാങ്ങി. എന്നാൽ, വിസ നൽകുകയോ പണം തിരിച്ചുനൽകുകയോ ചെയ്തില്ല. കുമരംപുത്തൂർ പള്ളിക്കുന്ന് സ്വദേശികളായ സന്ദീപ്, നിഷാദ്, മുഹമ്മദ് എന്നിവരാണ് പരാതി നൽകിയത്.