കാസർകോട്ട്​ 1.2 കിലോ സ്വർണം പിടികൂടി

കാസർകോട്: ദുബൈയിൽനിന്ന് കടത്തിക്കൊണ്ടുവന്ന 1.2 കിലോഗ്രാം സ്വർണം പിടികൂടി. കാസർകോട് പുതിയ ബസ്സ്റ്റാൻഡ് പരിസരത്തുവെച്ചാണ് 40 ലക്ഷം രൂപ വിലവരുന്ന സ്വർണം കാസർകോട് ടൗൺ പൊലീസ് പിടികൂടിയത്. സംഭവത്തിൽ രണ്ടുപേരെ അറസ്റ്റ്ചെയ്തു. നെല്ലിക്കുന്ന് സ്വദേശി അബ്ദുൽ സഅദ് (30), വിദ്യാനഗർ ചാല സ്വദേശി സമീർ (30) എന്നിവരാണ് അറസ്റ്റിലായത്. ഞായറാഴ്ച വൈകീട്ട് 5.30നാണ് സംഭവം. ഉച്ചയോടെ ദുബൈയിൽനിന്ന് മംഗളൂരു വിമാനത്താവളത്തിലെത്തിയ അബ്ദുൽ സഅദ് കാറിൽ വീട്ടിലേക്ക് മടങ്ങുന്നതിനിടയിൽ സമീറിന് സ്വർണം കൈമാറുകയായിരുന്നു.