പ്രളയബാധിത മേഖലയിൽ മെഡിക്കൽ ക്യാമ്പ്

കരുവാരകുണ്ട്: ഉരുൾപൊട്ടലിൽ പ്രളയം ബാധിച്ച് പകർച്ചവ്യാധി ഭീഷണിയിലായ തരിശ്, മഞ്ഞൾപാറ എന്നിവിടങ്ങളിൽ മണ്ഡലം കോൺഗ്രസ് കമ്മിറ്റി സൗജന്യ ആരോഗ്യപരിശോധന ക്യാമ്പ് നടത്തി. ലാൽഗുഡി ഇന്ത്യൻ മെഡിക്കൽ അസോസിയേഷനുമായി സഹകരിച്ചായിരുന്നു ക്യാമ്പ്. ക്യാമ്പിന് ഡോ. എ. വേലായുധരാജ്, എം. പ്രഭു, എം. സുബ്രഹ്മണ്യൻ, മുത്തുമണി, എം. ശിവകുമാർ എന്നിവർ രോഗികളെ പരിശോധിച്ചു. തരിശിൽ മണ്ഡലം പ്രസിഡൻറ് ടി. ഇംതിയാസ് ബാബു, വാർഡ് അംഗം പി. സൈനബ, വി. ഖാദർ, സി. കുഞ്ഞാൻ എന്നിവരും മഞ്ഞൾപാറയിൽ കെ. ഗോപാലകൃഷ്ണൻ, എ.കെ. മുഹമ്മദലി, സി.ഡി. ജോർജ്, മാത്തുക്കുട്ടി കുരിശുമ്മൂട്ടിൽ, മുജീബ് ചുള്ളിയോട് എന്നിവരും നേതൃത്വം നൽകി. Photo.... കോൺഗ്രസ് കമ്മിറ്റി തരിശിൽ നടത്തിയ മെഡിക്കൽ ക്യാമ്പ്