25 കിലോ ചന്ദനവുമായി പിടിയിൽ

പാലക്കാട്: 25 കിലോഗ്രാം ചന്ദനവുമായി ശ്രീകൃഷ്ണപുരം തോട്ടര മോതിരപ്പീടികയിൽ വീട്ടിൽ ഹംസയെ (54) പാലക്കാട് ഫ്ലയിങ് സ്ക്വാഡ് പിടികൂടി. ഇതിൽ 15 കിലോഗ്രാം ചന്ദനമുട്ടിയും പത്ത് കിലോഗ്രാം ചന്ദന തോലുമാണ്. ചന്ദനം വെട്ടാൻ ഉപയോഗിച്ച ആയുധവും കടത്താൻ ഉപയോഗിച്ച വാഹനവും പിടികൂടി. വെള്ളിയാഴ്ച ഉച്ചക്ക് രണ്ടോടെ തോട്ടരയിൽ വെച്ചാണ് ഹംസ പിടിയിലായത്. ശ്രീകൃഷ്ണപുരത്തെ കാട്ടിൽനിന്നും മറ്റും ശേഖരിച്ച ചന്ദനം വീടിന് സമീപം വിൽക്കുകയായിരിന്നു. ഫ്ലയിങ് സ്ക്വാഡ് റേഞ്ച് ഓഫിസർ കെ. ഹാഷിഫ്, എസ്.എഫ്.ഒ പി.എസ്. മണിയൻ, ബീറ്റ് ഓഫിസർമാരായ ജിജു മാധവൻ, സൂര്യപ്രകാശ്, പി. ബാബു, എം. അനീഷ്, പി. ബാലകൃഷ്ണൻ എന്നിവർ പരിശോധന നടത്തി.