സദാചാര പൊലീസ്​ ആക്രമണം: അന്വേഷണത്തിന് മനുഷ്യാവകാശ കമീഷൻ ഉത്തരവ്

മലപ്പുറം: സദാചാര പൊലീസ് ചമഞ്ഞ് ആൾക്കൂട്ടം കെട്ടിയിട്ട ശേഷം ആക്രമിച്ച് ദൃശ്യങ്ങൾ വാട്സ്ആപ്പിൽ പ്രചരിപ്പിച്ചതിൽ മനംനൊന്ത് കുറ്റിപ്പാല സ്വദേശി മുഹമ്മദ് സാജിദ് ആത്മഹത്യ ചെയ്ത സംഭവത്തിൽ സംസ്ഥാന മനുഷ്യാവകാശ കമീഷൻ സ്വമേധയാ കേസെടുത്ത് അന്വേഷണത്തിന് ഉത്തരവിട്ടു. മാധ്യമവാർത്തകളുടെ അടിസ്ഥാനത്തിലാണ് കമീഷൻ അംഗം കെ. മോഹൻ കുമാർ കേസെടുത്തത്. മലപ്പുറം ജില്ല പൊലീസ് മേധാവി സംഭവത്തെ കുറിച്ച് അന്വേഷിച്ച് രണ്ടാഴ്ചക്കുള്ളിൽ റിപ്പോർട്ട് നൽകണമെന്ന് കമീഷൻ ആവശ്യപ്പെട്ടു.