mpn1 me mn

===MN+ME=== മാലിന്യമുക്ത ചാലിയാർ: മാസ്റ്റർ പ്ലാൻ ഉടൻ തയാറാക്കും മലപ്പുറം: കാലവർഷം കനത്തതോടെ ജില്ലയിലെ നദികളിലെയും തോടുകളിലെയും ജലനിരപ്പി​െൻറ കൂടിയ തോത് ലഭ്യമായ സാഹചര്യത്തിൽ ഇതുകൂടി അടിസ്ഥാനമാക്കിയാവണം ഇത്തരം മേഖലകളിലും പരിസരങ്ങളിലും വികസന, നിർമാണ പ്രവർത്തനം നടത്തേണ്ടതെന്ന് ജില്ല കലക്ടർ അമിത് മീണ. മാലിന്യമുകത ചാലിയാർ പദ്ധതിയുടെ അവലോകന യോഗത്തിൽ സംസാരിക്കുകയായിരുന്നു അദ്ദേഹം. ഇതിനായി സെപ്റ്റംബർ ആദ്യവാരം പ്രത്യേക യോഗം ചേർന്ന് മാസ്റ്റർ പ്ലാൻ തയാറാക്കും. മേഖലയിൽ ഉരുൾപൊട്ടലുണ്ടായ സാഹചര്യത്തിൽ സെസ് അംഗീകാരത്തോടെ മാത്രമേ നിർമാണ പ്രവർത്തനങ്ങൾക്ക് അനുമതി നൽകാവൂ. മിനി പമ്പ മാതൃകയിൽ വഴിക്കടവിലെ കെട്ടുങ്ങലിൽ ടോയ്ലറ്റ്, ക്ലോക്ക് റൂം സൗകര്യത്തോടെ ഇടത്താവളം നിർമിക്കും. ഇതിനായി പൊതുമരമാത്ത് വകുപ്പിന് കീഴിലെ 50 സ​െൻറ് സ്ഥലം ഉപയോഗിക്കും. നിലമ്പൂർ ബ്ലോക്ക് പഞ്ചായത്ത് പ്രസിഡൻറ് പി.പി. സുഗതൻ, വൈസ് പ്രസിഡൻറ് സജീന, ഗ്രാമപഞ്ചായത്ത് പ്രസിഡൻറുമാരായ ആലീസ് അമ്പാട്ട്, ടി.പി. ഉസ്മാൻ, കെ. സ്വപ്ന, ബ്ലോക്ക്, ഗ്രാമപഞ്ചായത്ത്് പ്രതിനിധികൾ, ജില്ലതല വകുപ്പ് മേധാവികൾ തുടങ്ങിയവർ പങ്കെടുത്തു.