മഹാശിലായുഗ കാലത്തെ അടയാളങ്ങളടങ്ങിയ മൺപാത്രങ്ങൾ ക​െണ്ടത്തി

കോഴിക്കോട്: കാലിക്കറ്റ് സർവകലാശാലയിലെ ചരിത്രവിഭാഗത്തിലെ ഗവേഷകർ പെരിന്തൽമണ്ണയിൽനിന്ന് മഹാശിലായുഗ കാലത്തെ മൺപാത്രങ്ങൾ കണ്ടെടുത്തു. പാതായ്ക്കരയിലെ ഉണ്ണികൃഷ്ണ​െൻറ പറമ്പിൽനിന്നാണ് കിണർ കുഴിക്കുന്നതിനിടെ നന്നങ്ങാടിയിൽനിന്ന് മൺപാത്രങ്ങൾ ലഭിച്ചത്. ഇതേ സ്ഥലത്തുനിന്ന് കഴിഞ്ഞ വർഷം േമയ് 28ന് നന്നങ്ങാടിയും മൺപാത്രങ്ങളും ഇരുമ്പ് ആയുധങ്ങളും ലഭിച്ചിരുന്നു. പഠനവകുപ്പ് മേധാവി ഡോ. പി. ശിവദാസ​െൻറ നേതൃത്വത്തില്‍ സ്ഥലത്ത് പരിശോധന നടത്തി. അമ്പി​െൻറ ആകൃതിയിലുള്ള അടയാളം മൺപാത്രങ്ങളിലുണ്ട്.