അർധരാത്രി വീട്ടില്‍ കയറി യുവതിയെ പീഡിപ്പിക്കാന്‍ ശ്രമം; യുവാവ് അറസ്​റ്റിൽ

തേഞ്ഞിപ്പലം: ഉറങ്ങിക്കിടന്ന യുവതിയെ അർധരാത്രി വീട്ടില്‍ കയറി മാനഭംഗപ്പെടുത്താന്‍ ശ്രമിച്ച കേസിൽ യുവാവ് അറസ്റ്റില്‍. പുത്തൂര്‍ പള്ളിക്കല്‍ സ്വദേശി പീടികകണ്ടി രതീഷാണ് (28) അറസ്റ്റിലായത്. മേയ് 23ന് അർധരാത്രി ഒന്നിനാണ് സംഭവം. പട്ടികജാതി വിഭാഗത്തിൽപ്പെട്ട 28കാരിയായ യുവതിയും കുടുംബവും താമസിക്കുന്ന അടച്ചുറപ്പില്ലാത്ത വീട്ടിലെ വാതിലി​െൻറ പൂട്ട് തകർത്താണ് പ്രതി അകത്തുകയറിയത്. യുവതി ശബ്ദം കേട്ടുണര്‍ന്ന് ബഹളം വെച്ചതോടെ ഇയാൾ ഓടി രക്ഷപ്പെട്ടു. സ്ഥിരം മദ്യപാനിയായ ഇയാൾ നാലുമാസം മുമ്പ് യുവതിയുടെ സഹോദരിക്ക് നേരെ പീഡനശ്രമം നടത്തിയിരുന്നതായും ബന്ധുക്കള്‍ പറഞ്ഞു. വീട്ടില്‍ അതിക്രമിച്ചു കയറിയതിനും എസ്.സി വിഭാഗത്തില്‍പ്പെട്ട യുവതിയെ മാനഭംഗപ്പെടുത്താന്‍ ശ്രമിച്ചതിനുമാണ് ഇയാള്‍ക്കെതിരെ കേസെടുത്തത്. ഡിവൈ.എസ്.പി ജലീല്‍ തോട്ടത്തിലി​െൻറ നേതൃത്വത്തില്‍ അറസ്റ്റ് ചെയ്ത് മഞ്ചേരി കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.