അവനവനിൽ മാത്രം ഒതുങ്ങില്ല വ്രതശുദ്ധി

(((അയക്കേണ്ട))) റമദാൻ വിശേഷം റമദാനിൽ ഓരോരോത്തരും ആചരിക്കേണ്ട വ്രതശുദ്ധിയുണ്ട്. വ്രതശുദ്ധി അവനവനിൽ മാത്രം ഒതുങ്ങുന്ന ഒന്നല്ല. അത് അപരനിലേക്ക് വ്യാപിച്ചു കിടക്കുന്നു. സഹജീവികളോടുള്ള കരുണാമയമായ ജീവിത സമീപനമാണ് ആത്മശുദ്ധീകരണത്തി‍​െൻറ പാത ഒരുക്കുന്നത്. ഉന്നത സഹജാവബോധം കൂടിയാണത്. മനസ്സും ശരീരവും വേറെയല്ല. ഒന്നിച്ചാണ് പ്രവർത്തിക്കുന്നത്. ഒരു കുടുംബത്തിലെ അമ്മയും മക്കളും വിശന്നിരിക്കുന്നത് കാണേണ്ടി വന്നപ്പോൾ ഭരണാധികാരി ഖലീഫ ഉമർ ചെയ്ത പ്രവൃത്തി ഓർമ വരുന്നു. ത‍​െൻറ കൊട്ടാരത്തിൽ ചെന്ന് അവർക്കുള്ള ഭക്ഷണം തലയിൽ ചുമന്ന് കാൽനടയായി കൊണ്ടു ചെന്നെത്തിച്ച ഭരണാധികാരി. അധികാരത്തി‍​െൻറ ധാർഷ്ട്യങ്ങൾക്കപ്പുറം എങ്ങനെ ഭരണാധികാരി കാരുണ്യവാനായിരിക്കണമെന്ന് ഇസ്ലാം നമുക്ക് പഠിപ്പിച്ചുതരുന്നു. ആ വിധം പ്രവാചക‍​െൻറ കാരുണ്യം മണ്ണിലേക്ക് മനുഷ്യമനസ്സിലേക്കും പെയ്തിറങ്ങുന്ന മാസമാണ് റമദാൻ. ആത്മവിശുദ്ധിയിലൂടെ അപര‍​െൻറ വിശുദ്ധിയും അതിലൂടെ സമൂഹ വിശുദ്ധിയും ഉണ്ടാകണം. കരുണാമയനായിരിക്കേണ്ട രാജ്യത്തി‍​െൻറ കാവൽക്കാരൻ അധികാരത്തി‍​െൻറ പൈശാചിക രൂപമാകുമ്പോൾ റമദാ‍​െൻറ വിശുദ്ധി മനസ്സിൽ പകർത്തി പ്രവാചക ശബ്ദത്തിനു കാതോർക്കുക. അന്യ​െൻറ വാക്കുകൾ സംഗീതമാകുന്ന കാലമുണ്ടാകട്ടെ! വയലാർ രാമവർമ എഴുതിയതുപോലെ വരാനിരിക്കുന്ന നല്ല കാലത്തിലേക്ക് റമദാൻ ചന്ദ്രിക നിലാവു പടർത്തട്ടെ! -ഡോ. പി.ആർ. ജയശീലൻ സാഹിത്യ നിരൂപകൻ