82ാം വയസ്സിലും അക്ഷരങ്ങളെ പുൽകി അബൂബക്കർ മാസ്​റ്റർ

ആനക്കര: പ്രായം 82ലെത്തിയിട്ടും എഴുത്തി​െൻറ വഴിയിൽ നിറഞ്ഞുനിൽക്കുകയാണ് അബൂബക്കർ മാസ്റ്റർ. നിരവധി കഥകളും കവിതകളുമായി ആനുകാലിക പ്രസിദ്ധീകരണങ്ങളിൽ സ്ഥാനം പിടിച്ച പട്ടിത്തറ ആലൂർ ചാലിപറമ്പിൽ അബൂബക്കർ മാസ്റ്റർ 20ഓളം കവിതകളുടെ സമാഹാരണവും ജീവിതകഥയും പുസ്തകമായി പുറത്തിറക്കാനുള്ള തയാറെടുപ്പിലാണ്. 1936ൽ ആലിയമുണ്ണി-കദീജ ദമ്പതികളുടെ മകനായി ജനിച്ച അബൂബക്കർ ആനക്കര ബേസിക് ട്രെയിനിങ് സ്കൂളിലാണ് അധ്യാപകപഠനം നടത്തിയത്. പിന്നീട് നിരവധി വിദ്യാലങ്ങളിൽ അധ്യാപകനായി സേവനമനുഷ്ഠിച്ചു. കഥ-കവിതകൾക്ക് പുറമെ 'എ​െൻറ തട്ടകം' എന്ന പുസ്തകം രചിച്ചു. മഹാഭാരതമെന്ന ഇതിഹാസകഥ രചിച്ച വേദവ്യാസ​െൻറ ജനനത്തിന് യുഗ്മഗാന രചന നിർവഹിച്ചിട്ടുണ്ട്. പരാശരമുനിക്കും ദലിത് യുവതിയായ കാളിപെണ്ണിനും ജനിച്ച പുത്രനാണ് വേദവ്യാസൻ. കടത്തുതോണിക്കാരിയായ കാളിപെണ്ണും മുനിയും തമ്മിലുള്ള കൂടിക്കാഴ്ച ഉൾെപ്പടെ ചരിത്രവഴികൾക്കാണ് യുഗ്മഗാനം നിർവഹിച്ചിരിക്കുന്നത്.