രണ്ടുകിലോ ഉണക്ക കഞ്ചാവുമായി യുവാവ്​ പിടിയിൽ

പാലക്കാട്: ജങ്ഷൻ റെയിൽവേ സ്റ്റേഷൻ പരിസരത്ത് പാലക്കാട് എക്സൈസ് റേഞ്ച് പാർട്ടിയും െഎ.ബിയും സംയുക്തമായി പരിശോധനയിൽ രണ്ടുകിലോ ഉണക്ക കഞ്ചാവുമായി യുവാവിനെ പിടികൂടി. എറണാകുളം കച്ചേരിപ്പടി റൗഫലാണ് (24) പിടിയിലായത്. തമിഴ്നാട് ഒട്ടൻചിത്രത്തിൽനിന്ന് എറണാകുളം, പള്ളുരുത്തി ഭാഗത്തുള്ള സ്കൂൾ-കോളജ് വിദ്യാർഥികൾക്കിടയിൽ വിൽപനക്ക് കൊണ്ടുവന്നതാണ് കഞ്ചാവ്. ഇവക്ക് രണ്ടുലക്ഷത്തോളം രൂപ വിലവരും. അഞ്ച് ഗ്രാം വീതമുള്ള പൊതികളാക്കിയാണ് വിതരണം.