പ്രതിരോധത്തി‍െൻറ സമരമുഖം വരച്ചുകാട്ടി സംസ്ഥാന വർണോത്സവം സമാപിച്ചു

നിലമ്പൂർ: വരയിലൂടെ പ്രതിരോധത്തി‍​െൻറ സമരമുഖം വരച്ചുകാട്ടി രണ്ട് ദിവസം നീണ്ട കേരള ശാസ്ത്ര സാഹിത്യ പരിഷത്ത് യുറീക്കാ വർണോത്സവം നിലമ്പൂരിൽ സമാപിച്ചു. വിവിധ ജില്ലകളിൽ നിന്നുള്ള കുട്ടികൾ പങ്കാളികളായി. ചിത്രരചന, കൊളാഷ്, ഗ്രാഫിക്സ് നിർമാണം, കളറിങ്, പോസ്റ്റർ നിർമാണം എന്നിവ നടന്നു. വിവിധ മേഖലകളിൽ നിന്നുള്ള കലാകാരന്മാർ സംബന്ധിച്ചു. തിങ്കളാഴ്ച 'കുട്ടികളുടെ അവകാശങ്ങൾ' വിഷയത്തിൽ പോസ്റ്റർ രചിച്ചാണ് ആരംഭിച്ചത്. ചിത്രകാരന്മാരായ സിനിൽ എറണാകുളം, ആർടിസ്റ്റ് ദയാനന്ദൻ, ബാലസാഹിത്യകാരൻ എം. കുഞ്ഞാപ്പ എന്നിവർ വിവിധ വിഷയങ്ങളിൽ ക്ലാസെടുത്തു. സമാപന സമ്മേളനം പരിഷത്ത് മുൻ സംസ്ഥാന ജന. സെക്രട്ടറി കെ.കെ. ജനാർദനൻ ഉദ്ഘാടനം ചെയ്തു. സ്വാഗതസംഘം ചെയർമാൻ കെ.ടി. അഷ്റഫ് അധ്യക്ഷത വഹിച്ചു. സംസ്ഥാന നിർവാഹക സമിതി അംഗം ഇ. വിലാസിനി, ക്യാമ്പ് ഡയറക്ടർ സതീഷ് ചളിപ്പാടം എന്നിവർ സംസാരിച്ചു. അഡ്വ. കെ.കെ. രാധാകൃഷ്ണൻ സ്വാഗതവും എം. നവാസലി നന്ദിയും പറഞ്ഞു.