റോഡിലെ കുഴിയടക്കല്‍ പാഴ്‌വേലെയെന്ന് നാട്ടുകാര്‍

കാളികാവ്: വേനല്‍ മഴ തകര്‍ക്കുന്നതിനിടെ നടക്കുന്ന കുഴിയടക്കല്‍ പാഴ്‌വേലെയെന്ന് നാട്ടുകാര്‍. സംസ്ഥാന പാതയില്‍ കാളികാവ്-കരുവാരകുണ്ട് റോഡിലാണ് മഴ നനഞ്ഞ് കുതിര്‍ന്ന റോഡില്‍ ടാര്‍ ഉപയോഗിച്ച് കുഴിയടക്കുന്നത്. കുഴികളിലെ വെള്ളം നീക്കിയാണ് അടക്കുന്നതെങ്കിലും കുഴികള്‍ പെട്ടെന്ന് പൊട്ടുമെന്നാണ് ആശങ്ക. മലയോര മേഖലയില്‍ ഏപ്രില്‍ അവസാനം തന്നെ വേനല്‍ മഴ പതിവാണെന്നറിയാത്ത അധികൃതരുടെ അനാസ്ഥയാണ് ഈ സമയത്തെ കുഴിയടക്കല്‍ പ്രവൃത്തിക്ക് കാരണമെന്ന് നാട്ടുകാര്‍ കുറ്റപ്പെടുത്തുന്നു.