മുസ്​ലിം യൂത്ത്‌ ലീഗ് ജില്ല സമ്മേളനം സമാപിച്ചു

കൂറ്റനാട്: പൊലീസിനെ ഉപയോഗിച്ച് നിരപരാധികളെ കൊല്ലിക്കുന്ന സമീപനമാണ് എൽ.ഡി.എഫ് സർക്കാറി​െൻറതേന്ന് മുസ്‌ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി എം.പി. മുസ്‌ലിം യൂത്ത്‌ലീഗ് ജില്ല സമ്മേളന സമാപനം ഉദ്ഘാടനം ചെയ്യുകയായിരുന്നു അദ്ദേഹം. ബി.ജെ.പിയും സി.പി.എമ്മും ഒരുപോലെയാണ്. രണ്ടിനെയും അധികാരത്തില്‍നിന്ന് തൂത്തെറിയണമെന്നും അദ്ദേഹം പറഞ്ഞു. യൂത്ത്‌ ലീഗ് ജില്ല പ്രസിഡൻറ് സി.എ. സാജിത് അധ്യക്ഷത വഹിച്ചു. പ്രതിപക്ഷ നേതാവ് രമേശ് ചെന്നിത്തല, യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ. ഫിറോസ് എന്നിവർ സംസാരിച്ചു. ജനറൽ സെക്രട്ടറി ഗഫൂര്‍ കോല്‍കളത്തില്‍, മുസ്ലിം ലീഗ് സംസ്ഥാന വൈസ് പ്രസിഡൻറ് സി.എ.എം.എ. കരീം, സെക്രട്ടറി അസ്വ. എന്‍. ഷംസുദ്ദീന്‍ എം.എല്‍.എ, ജില്ല പ്രസിഡൻറ് കളത്തില്‍ അബ്ദുല്ല, ജില്ല ജനറൽ സെക്രട്ടറി മരക്കാര്‍ മാരായമംഗലം, ട്രഷറര്‍ പി.എ. തങ്ങള്‍ എന്നിവർ സംസാരിച്ചു. മോദിയും പിണറായിയും ഒരേ നുകംവെച്ച കാളകൾ -ചെന്നിത്തല കൂറ്റനാട്: മോദിയും പിണറായിയും ഒരേ നുകംവെച്ച കാളകളാണെന്ന് പ്രതിപക്ഷനേതാവ് രമേശ് ചെന്നിത്തല. ജനദ്രോഹകാര്യത്തില്‍ ആരാണ് മുന്നിലെന്ന മത്സരമാണ് നടന്നുകൊണ്ടിരിക്കുന്നതെന്നും ചെന്നിത്തല പറഞ്ഞു. യൂത്ത്‌ ലീഗ് ജില്ല സമ്മേളനത്തില്‍ സംസാരിക്കുകയായിരുന്നു അദ്ദേഹം. വിവാഹം പറളി: കല്ലൂർ കവറത്തൊടി വീട്ടിൽ കെ.കെ.എ. റഹ്മാ‍​െൻറ മകൾ അനീസയും തിരുവില്വാമല കുന്നത്ത് വീട്ടിൽ യൂസുഫി‍​െൻറ മകൻ ഷാനുവും വിവാഹിതരായി. പറളി: മങ്കര ഓരാംപള്ളം പുത്തൻപീടിയക്കൽ മുഹമ്മദ് ബഷീറി‍​െൻറ മകൾ നസ്വീബയും ഒറ്റപ്പാലം പാലപ്പുറം പത്തൊമ്പതാം മൈലിൽ മനക്കടവത്ത് വീട്ടിൽ ഹസ‍​െൻറ മകൻ ആശിഫും വിവാഹിതരായി.