അംഗൻവാടി 20ാം വാർഷികം

വേങ്ങര: ഉൗരകം കല്ലേങ്ങൽപടി അംഗൻവാടിയുടെ 20ാം വാർഷികം ആഘോഷിച്ചു. അറേബ്യൻ വിങ്സ് ആർട്സ് ആൻഡ് സ്പോർട്സ് ക്ലബി​െൻറ ആഭിമുഖ്യത്തിൽ നടന്ന പരിപാടി അഡ്വ. കെ.എൻ.എ. ഖാദർ എം.എൽ.എ ഉദ്ഘാടനം ചെയ്തു. സിവിൽ സർവിസ് പരീക്ഷയിൽ 200ാം റാങ്ക് നേടിയ പി.പി. ജുനൈദിന് ജില്ല പഞ്ചായത്ത് പ്രസിഡൻറ് എ.പി. ഉണ്ണികൃഷ്ണൻ ഉപഹാരം നൽകി. വേങ്ങര ബ്ലോക്ക് പഞ്ചായത്ത് അംഗം പി.പി. ഹസൻ, ഉൗരകം ഗ്രാമപഞ്ചായത്ത് വൈസ് പ്രസിഡൻറ് കെ.ടി. സമദ്, പഞ്ചായത്ത് അംഗം യു.കെ. അബ്ദുൽ അസീസ്, പി.ടി. ശങ്കരൻ മാസ്റ്റർ, ജലീൽ കല്ലേങ്ങൽപടി, പി.കെ. മൊയ്തീൻ എന്നിവർ സംസാരിച്ചു. ഇ.കെ. റിയാസ് സ്വാഗതവും സി. മാലതി നന്ദിയും പറഞ്ഞു.