ജില്ല കിസാൻമേള പഴമയുടെ ഓർമപ്പെടുത്തലുമായി നെല്ലുകുത്തും ഓല മെടയലും

പട്ടാമ്പി: ജില്ല കിസാൻ മേളയിലെ വനിതകളുടെ മത്സരം പഴമയുടെ ഓർമപ്പെടുത്തലായി. പട്ടാമ്പി ഗവ. ഹയർ സെക്കൻഡറി സ്‌കൂളിലായിരുന്നു മത്സരങ്ങൾ. മരത്തി‍​െൻറ കുന്താണിയിൽ ഉലക്കകൊണ്ട് താളത്തിൽ തമ്മിലുരസാതെയുള്ള നെല്ലുകുത്ത് കാണികൾക്ക് ആവേശമായി. തെങ്ങോല കൊണ്ടുള്ള മെടയലും ചൂൽ നിർമാണവും പുഷ്പാലങ്കാരവും ചക്കയുടെ വിഭവങ്ങൾ തയാറാക്കലുമായിരുന്നു മറ്റു മത്സരങ്ങൾ.