സമ്പൂർണ എ പ്ലസ് തിളക്കത്തിൽ ഇരട്ട സഹോദരിമാർ

തച്ചനാട്ടുകര: ഇരട്ടസഹോദരിമാർക്ക് സമ്പൂർണ എ പ്ലസ് തിളക്കം. നാട്ടുകൽ അമ്പത്തിമൂന്നാം മൈൽ കൊങ്ങത്ത് ഹസൈനാർ, ആത്തിക്ക ദമ്പതികളുടെ മക്കളായ നസ്‌ല ,നഹ്‌മയുമാണ് സമ്പൂർണ എ പ്ലസ് നേടിയത്. മണ്ണാർക്കാട് കല്ലടി ഹയർ സെക്കൻഡറി സ്‌കൂൾ വിദ്യാർഥിനികളാണ്. ഉപജില്ല തലത്തിൽ സംഘഗാന മത്സരത്തിലും മാപ്പിളപ്പാട് മത്സരത്തിലും ഇരുവരും മികവ് തെളിയിച്ചിട്ടുണ്ട്. ഫാത്തിമ ഹനാൻ, ആയിഷ, ആഷിഖ് എന്നിവർ സഹോദരങ്ങളാണ്.