മികച്ച നേട്ടവുമായി തൃത്താല ഉപജില്ലയിലെ സ്കൂളുകൾ

ആനക്കര: എസ്.എസ്.എല്‍.സി പരീക്ഷഫലം ജില്ലക്ക് അഭിമാനമായി തൃത്താല ഉപജില്ല മാറി. സര്‍ക്കാര്‍ സ്‌കൂളുകൾ മുന്നേറ്റം നടത്തി. പിറകിലായിരുന്ന പല സ്‌കൂളുകളും ഇത്തവണ വിജയ ശതമാനമുയര്‍ത്തി. ജനറൽ വിഭാഗത്തിൽ കുമരെനല്ലൂര്‍ ഗവ. ഹയര്‍സെക്കൻഡറി സ്‌കൂള്‍ 99 ശതമാനം നേടി ഒന്നാംസ്ഥാനം നേടി. 98.38 ശതമാനം വിജയവുമായി ആനക്കര ഗവ. ഹയര്‍ സെക്കൻഡറി സ്‌കൂൾ രണ്ടാംസ്ഥാനം നേടി. ജി.എം.ആർ.എസ് പറക്കുളം നൂറുശതമാനം വിജയം നേടി.