വണ്ടൂർ വിദ്യാഭ്യാസ ജില്ലയിൽ മികച്ച ഫലം അരീക്കോട് ഓറിയൻറൽ സ്കൂളിന്

അരീക്കോട്: പത്താംതരം പരീക്ഷക്ക് വണ്ടൂർ വിദ്യാഭ്യാസ ജില്ലയിൽ മികച്ച പ്രകടനം നടത്തിയത് അരീക്കോട് സുല്ലമുസ്സലാം ഓറിയൻറൽ ഹയർ സെക്കൻഡറി സ്കൂൾ. പരീക്ഷക്കിരുന്ന 415 വിദ്യാർഥികളെയും ഉന്നത പഠനത്തിനർഹമാക്കി നൂറുശതമാനം വിജയമാണ് കരസ്ഥമാക്കിയത്. ഏറ്റവും കൂടുതൽ വിദ്യാർഥികൾ പരീക്ഷക്കിരുന്നതിവിടെയാണ്. 75 വിദ്യാർഥികൾ മുഴുവൻ വിഷയങ്ങളിലും എ പ്ലസ് നേടി. 41 പേർ ഒമ്പത് എ പ്ലസും 34 പേർ എട്ട് എ പ്ലസും നേടി. വണ്ടൂർ വിദ്യാഭ്യാസ ജില്ലയിൽ 402 വിദ്യാർഥികളെ പരീക്ഷക്കിരുത്തി നൂറുശതമാനം വിജയം നേടിയ ജി.എച്ച്.എസ്.എസ് കാവനൂർ രണ്ടാംസ്ഥാനവും 338 വിദ്യാർഥികളെ പരീക്ഷക്കിരുത്തി മുഴുവൻ പേരെയും വിജയിപ്പിച്ച് എ.എച്ച്.എസ് പാറൽ മമ്പാട്ടുമൂല മൂന്നാംസ്ഥാനവും നേടി. പരീക്ഷക്കിരുത്തിയ 195 വിദ്യാർഥികളും വിജയിച്ച ജി.വി.എച്ച്.എസ് കീഴുപറമ്പ് നാലാമതും 120 വിദ്യാർഥികളെയും വിജയിപ്പിച്ച ജി.എച്ച്.എസ് അഞ്ചച്ചവിടി അഞ്ചാമതുമെത്തി.