വിട പറഞ്ഞത്​ സിവിൽ എൻജിനീയറിങ്​ ഉപേക്ഷിച്ച്​ മാപ്പിളകലകളെ സ്​നേഹിച്ചയാൾ

കൊണ്ടോട്ടി: പഠിച്ചത് സിവിൽ എൻജിനീയറായിരുന്നുവെങ്കിലും മാപ്പിളകലകളായിരുന്നു വിട പറഞ്ഞ ഇഖ്ബാൽ കോപ്പിലാ​െൻറ ഇഷ്ടമേഖല. മോയിൻകുട്ടി ൈവദ്യർ അക്കാദമിയിലെ വിവിധ നിർമാണപ്രവർത്തനങ്ങൾക്കായി മാത്രമാണ് പഠിച്ച തൊഴിൽ ചെയ്തത്. മ്യൂസിയം കെട്ടിടത്തി​െൻറ ഘടന, പ്രവൃത്തി പുരോഗമിക്കുന്ന കൊണ്ടോട്ടി നേർച്ചയുമായി ബന്ധപ്പെട്ട ഫോേട്ടാ പ്രദർശനം എന്നിവയുടെ പദ്ധതികളെല്ലാം തയാറാക്കിയത് ഇദ്ദേഹമാണ്. വട്ടപ്പാട്ടിൽ നിലവിലെ ആധികാരിക ഗ്രന്ധത്തിനുടമയാണ്. ആൺ ഒപ്പന എന്ന പേരിൽ അറിയപ്പെട്ടിരുന്ന വട്ടപ്പാട്ടി​െൻറ ആശയം തന്നെ മാറുന്നത് ഇൗ പുസ്തകം പുറത്തിറങ്ങിയതിന് ശേഷമാണ്. അറബി-മലയാളത്തിൽ ആഴത്തിൽ പഠനം നടത്തിയ ഇേദ്ദഹത്തി​െൻറ ൈകവശം പ്രാചീന അറബി-മലയാള ഗ്രന്ധങ്ങളെ സംബന്ധിച്ച വലിയൊരു ശേഖരവുമുണ്ട്. മാപ്പിളകല അക്കാദമി പ്രസിദ്ധീകരിക്കാനിരിക്കുന്ന കൊണ്ടോട്ടി മുഹമ്മദ് ഷാ തങ്ങളെക്കുറിച്ചുള്ള അറബി-മലയാളം ചരിത്രഗ്രന്ഥമായ 'കിസ്സത്ത് മുഹമ്മദ് ഷാ' എന്ന പുസ്തകത്തി​െൻറ വ്യാഖ്യാനം നിർവചിച്ചതും ഇഖ്ബാൽ കോപ്പിലാനാണ്. സംസ്ഥാന സ്കൂൾ കലോത്സവത്തിൽ വർഷങ്ങളോളം മാപ്പിളകലകളുെട വിധികർത്താവും ജൂറി ഒാഫ് അപ്പീലുമായും പ്രവർത്തിച്ചു. അക്കാദമി പുറത്തിറക്കിയ കെ.ടി. മൊയ്തീ​െൻറ സമ്പൂർണ കൃതികൾ ശേഖരിച്ച് എഡിറ്റ് ചെയ്തു. മാപ്പിളകലകൾക്കൊപ്പം യാത്രകളെയും സ്നേഹിച്ച വ്യക്തിയായിരുന്നു. അമൂല്യമായ പുസ്തകങ്ങളും പുരാവസ്തുക്കളും തേടിയായിരുന്നു യാത്രകൾ. പുരാവസ്തുങ്ങളുടെയും ഗ്രന്ഥങ്ങളുടെയും ശേഖരവും സ്വന്തമായുണ്ടായിരുന്നു. അക്കാദമിയിലെ മാപ്പിളകലകളുമായി ബന്ധപ്പെട്ട ഉപസമിതി അംഗവുമാണ്. നേരത്തെ 2006-11 കാലഘട്ടത്തിൽ സ്മാരക കമ്മിറ്റി അംഗമായിരുന്നു. വരുന്ന പത്തിന് വയനാട് മാപ്പിളകല പരിശീലകരുടെ ആദരം ഏറ്റുവാങ്ങാനിരിക്കെയാണ് വിടവാങ്ങൽ. വെള്ളിയാഴ്ച അക്കാദമിയിലെ മാനവീയം വീഥിയിൽ കോപ്പിലാൻ അനുസ്മരണം നടക്കും.