55 ലക്ഷത്തിെൻറ കുഴൽപണവുമായി യുവാവ് പിടിയിൽ

തിരൂർ: തിരൂർ റെയിൽവേ സ്റ്റേഷനിൽ 55 ലക്ഷം രൂപയുടെ കുഴൽപണവുമായി യുവാവ് പിടിയിൽ. കോഴിക്കോട് കുന്ദമംഗലം വട്ടംപറമ്പിൽ മുഹമ്മദ് ഷാഫിയെയാണ് (30) തിരൂർ എസ്.ഐ സുമേഷ് സുധാകറും സംഘവും അറസ്റ്റ് ചെയ്തത്. തുണിയറകളിലാക്കി പണം ദേഹത്ത് കെട്ടിവെച്ച നിലയിലായിരുന്നു. ബംഗളൂരുവിൽ നിന്ന് വരികയാണെന്നും സ്വർണം വിറ്റുകിട്ടിയ പണമാണെന്നുമാണ് ഷാഫി നൽകിയ മൊഴി. എ.എസ്.ഐ പ്രമോദ്, സിവിൽ പൊലീസ് ഓഫിസർമാരായ രാജേഷ്, ജ‍യപ്രകാശ്, ആൽവിൻ, നിഷാദ് എന്നിവരും അന്വേഷണസംഘത്തിലുണ്ടായിരുന്നു. ഷാഫിയെ കോടതിയിൽ ഹാജരാക്കി.