ശുചീകരണ ​െതാഴിലാളികളെ ആദരിച്ചു

മലപ്പുറം: അന്തർദേശീയ തൊഴിലാളി ദിനാചരണ ഭാഗമായി മലപ്പുറം ഗവ. കോളജിലെ എൻ.എസ്.എസ് വിദ്യാർഥികൾ നഗരസഭയിലെ സാനിറ്റേഷൻ തൊഴിലാളികളെ ആദരിച്ചു. പി. ഉബൈദുല്ല എം.എൽ.എ ഉദ്ഘാടനം ചെയ്തു. നഗരസഭാധ്യക്ഷ സി.എച്ച്. ജമീല അധ്യക്ഷത വഹിച്ചു. കോളജ് പ്രിൻസിപ്പൽ ഡോ. വി. ഗോപകുമാർ, പ്രോഗ്രാം ഓഫിസർമാരായ ഡോ. ഷക്കീല, മൊയ്തീൻകുട്ടി കല്ലറ, കോളജ് യൂനിയൻ ചെയർമാൻ എം. ഇർഷാദലി, അബ്ദുൽ റസാഖ്, എൻ.കെ. ആസിഫ് അലി, എ.കെ. ശരണ്യ, ഷഹീദ ഷെറിൻ, എം.ടി. ശ്രീവിദ്യ എന്നിവർ സംസാരിച്ചു.