മഹബ്ബ അവാർഡ് അലി ബാഫഖി തങ്ങൾക്ക്

മലപ്പുറം: മഅ്ദിൻ അക്കാദമിയും സുന്നി ജംഇയ്യത്തുൽ മുഅല്ലിമീൻ ജില്ല കമ്മിറ്റിയും ചേർന്ന് നൽകുന്ന മഹബ്ബ അവാർഡ് സമസ്ത കേരള ജംഇയ്യത്തുൽ ഉലമ കേന്ദ്ര മുശാവറ ഉപാധ്യക്ഷനും സുന്നി ജംഇയ്യത്തുൽ മുഅല്ലിമീൻ സംസ്ഥാന പ്രസിഡൻറുമായ അലി ബാഫഖി തങ്ങൾക്ക്. മദ്റസ പ്രസ്ഥാനത്തിന് നൽകിയ സംഭാവനകൾ മുൻനിർത്തിയാണ് അവാർഡ്. മേയ് 10ന് സ്വലാത്ത് നഗറിൽ നടക്കുന്ന ആത്മീയ സംഗമത്തിൽ അവാർഡ് സമ്മാനിക്കും. സമ്മേളനം സമസ്ത പ്രസിഡൻറ് ഇ. സുലൈമാൻ മുസ്‌ലിയാർ ഉദ്ഘാടനം ചെയ്യും. മഅ്ദിൻ ചെയർമാൻ ഇബ്‌റാഹീമുൽ ഖലീലുൽ ബുഖാരി അധ്യക്ഷത വഹിക്കും.