തൊടൂകാപ്പിൽ ദേശീയപാതയരികിൽ വീണ്ടും കോഴിമാലിന്യം തള്ളി

തച്ചനാട്ടുകര: തൊടൂകാപ്പിൽ ദേശീയപാതയരികിൽ സാമൂഹിക വിരുദ്ധർ വീണ്ടും കോഴിമാലിന്യം തള്ളി. ഇതേ സ്ഥലത്ത് രണ്ടാം തവണയാണ് മാലിന്യം തള്ളുന്നത്. കഴിഞ്ഞ ദിവസം ചോളോട്ടിലും മാലിന്യം തള്ളിയിരുന്നു. ഏതാനും മാസങ്ങൾക്കിടെ പഞ്ചായത്തി‍​െൻറ വിവിധ ഭാഗങ്ങളിൽ മാലിന്യം തള്ളാനെത്തിയ നാല് വാഹനങ്ങൾ ജനം അടിച്ചുതകർത്തിരുന്നു. ഇത്തരം വാഹനങ്ങൾ പിടിച്ചെടുക്കുമെന്ന് പഞ്ചായത്ത് അധികൃതർ തീരുമാനിച്ചിരുന്നെങ്കിലും ജനത്തെയും അധികൃതരെയും വെല്ലുവിളിച്ച് മാലിന്യം തള്ളൽ തുടരുകയാണ്.