തദ്ദേശ സ്ഥാപനങ്ങളിൽ വകുപ്പുകൾ ഏകോപിപ്പിക്കും ^മന്ത്രി ജലീൽ

തദ്ദേശ സ്ഥാപനങ്ങളിൽ വകുപ്പുകൾ ഏകോപിപ്പിക്കും -മന്ത്രി ജലീൽ പട്ടാമ്പി: തദ്ദേശസ്ഥാപനങ്ങൾ കാലങ്ങളായി അഭിമുഖീകരിക്കുന്ന പ്രശ്നമാണ് ജീവനക്കാരുടെ കുറവെന്നും മുനിസിപ്പൽ-പഞ്ചായത്ത്-േബ്ലാക്ക് വകുപ്പുകൾ ഏകോപിപ്പിച്ച് പ്രശ്നം പരിഹരിക്കുമെന്നും മന്ത്രി കെ.ടി. ജലീൽ. പട്ടാമ്പി നഗരസഭയിൽ വിവിധ പദ്ധതികളുടെ ഉദ്‌ഘാടനപ്രസംഗത്തിലാണ് മന്ത്രി ഇക്കാര്യം പറഞ്ഞത്. മൂന്ന് വകുപ്പുകളും ഒന്നാക്കി പ്രിൻസിപ്പൽ സെക്രട്ടറിയേയും പ്രിൻസിപ്പൽ ഡയറക്ടറേയും നിയമിക്കും. നിലവിൽ ഈ വകുപ്പുകളിലെ ജീവനക്കാരെ അതതിടങ്ങളിൽ മാത്രമേ മാറ്റി നിയമിക്കാനാവുന്നുള്ളൂ. അത് സ്ഥാപനങ്ങളുടെ കാര്യക്ഷമതയെ ബാധിക്കുന്നുണ്ട്. വകുപ്പുകളുടെ ഏകോപനത്തിലൂടെ ജീവനക്കാരെ മൂന്നിടങ്ങളിലേക്കും വിന്യസിക്കാനാവും. അടുത്ത നിയമസഭ സമ്മേളനത്തിൽ ഇതിനുള്ള ബിൽ അവതരിപ്പിക്കും. തദ്ദേശസ്ഥാപന ജീവനക്കാരിൽ മികച്ച പ്രവർത്തനങ്ങൾ കാഴ്ച വെക്കുന്നവർക്ക് ഗുഡ് സർവിസ് എൻട്രി നൽകുമെന്നും മന്ത്രി പറഞ്ഞു.