ശിൽപചിത്ര പുരസ്കാരങ്ങൾ പ്രഖ്യാപിച്ചു

പട്ടാമ്പി: ശിൽപചിത്ര കോളജ് ഏർപ്പെടുത്തിയ സംസ്ഥാനതല പ്രതിഭ പുരസ്കാരങ്ങൾ പ്രഖ്യാപിച്ചു. സാന്ത്വനം അവാർഡ് കൊപ്പം അഭയം ഡയറക്ടർ പി. കൃഷ്ണനും കലാശ്രീ പുരസ്കാരം അങ്ങാടിപ്പുറം ദുർഗ നൃത്ത കലാക്ഷേത്ര ഡയറക്ടർ ദുർഗ രാമചന്ദ്രനും നൃത്തശ്രീ പുരസ്കാരം നൃത്ത ഗവേഷകൻ സുരേഷ് ലുധിയാനക്കും നൽകും. ശനിയാഴ്ച നടക്കുന്ന വാർഷികാഘോഷ ചടങ്ങിൽ എം.ബി. രാജേഷ് എം.പി പുരസ്കാരങ്ങൾ സമ്മാനിക്കും. കോളജ് വാർഷികാഘോഷങ്ങളുടെ ഭാഗമായി അഖിലകേരള നൃത്തമത്സരം നടന്നു. ക്ലാസിക്കൽ നൃത്തമത്സരങ്ങളുടെ ഉദ്ഘാടനം മുഹമ്മദ് മുഹ്സിൻ എം.എൽ.എ നിർവഹിച്ചു. പട്ടാമ്പി ബ്ലോക്ക് പഞ്ചായത്ത് പ്രസിഡൻറ് വി.എം. മുഹമ്മദാലി അധ്യക്ഷത വഹിച്ചു.