വിദ്യാർഥിനിയുടെ മരണം: എസ്.എഫ്.ഐ പ്രവർത്തകർ കോളജ് ഓഫിസ് ഉപരോധിച്ചു

ആലത്തൂർ: ഇരട്ടക്കുളം ശ്രീനാരായണ കോളജ് ഓഫ് അഡ്വാൻസ്ഡ് സ്റ്റഡീസിലെ രണ്ടാംവർഷ ബിരുദ വിദ്യാർഥിനി അശ്വതിയുടെ ആത്മഹത്യകുറിപ്പിൽ പരാമർശിച്ച അധ്യാപകരെ പുറത്താക്കണമെന്നാവശ്യപ്പെട്ട് എസ്.എഫ്.ഐ പ്രവർത്തകർ ഓഫിസ് ഉപരോധിച്ചു. ആത്മഹത്യകുറിപ്പിൽ കോളജിലെ അധ്യാപകരുടേയും സഹപാഠികളുടേയും മാനസികപീഡനമാണ് മരണകാരണമെന്നാണ് എഴുതിയിരുന്നത്. മാനേജ്മ​െൻറ് പ്രതിനിധികളുമായി എസ്.ഐ അനീഷി‍​െൻറ നേതൃത്വത്തിൽ നടത്തിയ ചർച്ചയിൽ ആരോപണ വിധേയരെ മാറ്റിനിർത്തി അന്വേഷണം നടത്തുമെന്ന് അറിയിച്ചതി‍​െൻറ അടിസ്ഥാനത്തിൽ ഉപരോധം അവസാനിപ്പിച്ചതായി സംഘടന നേതാക്കൾ അറിയിച്ചു. എസ്.എഫ്.ഐ ജില്ല വൈസ് പ്രസിഡൻറ് കെ. അൻഷിഫ്, ഏരിയ സെക്രട്ടറി എച്ച്. അജ്മൽ, ആർ. സ്വരാജ്, യു. വിഷ്ണു, എ. അനൂപ്, യൂനിറ്റ് സെക്രട്ടറി ഫൈസൽ എന്നിവർ നേതൃത്വം നൽകി.