മലിനീകരണമില്ല; മുളബോട്ട് നീറ്റിലിറക്കി

പറമ്പിക്കുളം: ലോക ജലദിനത്തിൽ പറമ്പിക്കുളം ഡാമിൽ ആദിവാസികൾ മുളകൊണ്ട് നിർമിച്ച ബോട്ടിറക്കി. പറമ്പിക്കുളത്തുനിന്ന് ശേഖരിച്ച മുളയും അനുബന്ധ മര ഉരുപ്പടികളുമുപയോഗിച്ചാണ് ബോട്ട് നിർമിച്ചത്. ജല, വായു മലിനീകരണം തീരെയില്ല എന്നതാണ് പ്രത്യേകത. രണ്ട് ബോട്ടുകളാണ് ഡാമിലിറക്കിയത്. ബോട്ടുകൾ പറമ്പിക്കുളം െഡപ്യൂട്ടി ഡയറക്ടർ പി.വി. മധുസൂദനൻ ഉദ്ഘാടനം ചെയ്തു. ബോട്ടുകളിൽ നാല് ആദിവാസികളാണ് ജോലി ചെയ്യുന്നതെന്ന് പറമ്പിക്കുളം ഡെപ്യൂട്ടി ഡയറക്ടർ പറഞ്ഞു. പരിസ്ഥിതി സൗഹൃദ ടൂറിസം പദ്ധതിയുടെ ഭാഗമായാണ് മലിനീകരണമില്ലാത്ത മുളബോട്ട് നീറ്റിലിറക്കിയതെന്ന് അധികൃതർ പറഞ്ഞു.