Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightകീഴുപറമ്പിനെ...

കീഴുപറമ്പിനെ മാലിന്യമുക്തമാക്കാൻ 'ഗ്രാമം പൂങ്കാവനം' പദ്ധതി

text_fields
bookmark_border
അരീക്കോട്: കീഴുപറമ്പ് ഗ്രാമപഞ്ചായത്തിലെ മാലിന്യ നിർമാർജനത്തിന് 'ഗ്രാമം പൂങ്കാവനം' പദ്ധതി നടപ്പിലാക്കുന്നു. ഇതിനായി 28 ഹരിത കർമസേന വിഭാഗത്തെ നിയോഗിച്ചു. ഞായർ, തിങ്കൾ ദിവസങ്ങളിലായി ഓരോ വീട്ടിൽനിന്ന് പ്ലാസ്റ്റിക് മാലിന്യം ശേഖരിക്കാനാണ് പദ്ധതി. അയൽക്കൂട്ടങ്ങൾ മാലിന്യം ചാക്കിൽ കെട്ടി ഹരിത കർമസേനയെ ഏൽപ്പിക്കണം. ഓരോ വീട്ടുകാരും 20 രൂപ ചെലവിലേക്കായി നൽകി രശീതി കൈപറ്റണം. ഓരോ വീട്ടിലെയും സ്ഥിതി വിവരക്കണക്കുകൾ ആരോഗ്യ വകുപ്പ് തയാറാക്കും. പദ്ധതിയുടെ ആരംഭം എന്ന നിലക്ക് കുഞ്ഞാത്തുമ്മ ബി.എഡ് കോളജ് വിദ്യാർഥികൾ ചാലിയാർ തീരശുചീകരണവും തീരയാത്രയും സെമിനാറും നടത്തി. ഗ്രാമപഞ്ചായത്ത് പ്രസിഡൻറ് പി.കെ. കമ്മദ് കുട്ടി ഹാജി ഉദ്ഘാടനം ചെയ്തു. ജല ശാസ്ത്രജ്ഞൻ ഡോ. മാധവൻ കൊമ്മത്ത് ക്ലാസെടുത്തു. ഗ്രാമപഞ്ചായത്ത് സ്ഥിരം സമിതി അധ്യക്ഷരായ കെ. അബൂബക്കർ, കെ. നജീബ്, എൻ.ടി. ഹാമിദലി, ഇ.പി. കൃഷ്ണൻ, കെ.ടി. ജമീല, കെ.വി. ഷഹർബാൻ, എം. ജസ്ന, സെക്രട്ടറി ജോയ് ജോൺ, എം. അബ്ദുറഹ്മാൻ, കെ.കെ. അജ്മൽ എന്നിവർ നേതൃത്വം നൽകി.
Show Full Article
TAGS:LOCAL NEWS 
Next Story