പൊതു ശൗചാലയമില്ല; പൊറുതിമുട്ടി യാത്രക്കാർ

കല്ലടിക്കോട്: കരിമ്പ ഗ്രാമപഞ്ചായത്തിൽ പൊതു ശൗചാലയങ്ങൾ ഇല്ലാത്തത് വിനയാകുന്നു. പാലക്കാട്-കോഴിക്കോട് ദേശീയപാതയുള്ളതിനാൽ യാത്രക്കാർ നിത്യേന വന്ന് പോകുന്ന പ്രധാന സ്ഥലങ്ങൾ ഉണ്ടായിട്ടും കരിമ്പ ഗ്രാമപഞ്ചായത്തിൽ ഒരിടത്തും പൊതു ശൗചാലയങ്ങൾ നിർമിച്ചിട്ടില്ല. ഇടക്കുർശ്ശി ശിരുവാണി ജങ്ഷൻ, കരിമ്പ പള്ളിപ്പടി, കല്ലടിക്കോട് ടി.ബി ജങ്ഷൻ എന്നിവ പ്രധാന സ​െൻററുകളാണ്. യാത്രക്കാർ പ്രാഥമിക ആവശ്യങ്ങൾ നിറവേറ്റാൻ സൗകര്യങ്ങളില്ലാതെ വിഷമിക്കുകയാണ്. പൊതു നിരത്തുകളിൽ ശൗചാലയം നിർമിക്കാൻ സത്വര നടപടി വേണമെന്ന ആവശ്യവും കടലാസിലൊതുങ്ങിയ മട്ടാണ്.