ചെര്‍പ്പുളശ്ശേരി നഗരസഭയില്‍ ബ്ലൂ ബ്രിഗേഡ് സേന രൂപവത്കരിക്കണം

ചെര്‍പ്പുളശ്ശേരി: പൈപ്പ് ലൈന്‍ ഇടക്കിടെ പൊട്ടി കുടിവെള്ളം പാഴാവുന്നത് തടയാൻ അസി. എൻജിനീയറുടെ നേതൃത്വത്തില്‍ വാട്ടര്‍ അതോറിറ്റി ബ്ലൂ ബ്രിഗേഡ് ചെര്‍പ്പുളശ്ശേരി നഗരസഭയിലും രൂപവത്കരിക്കണമെന്ന് കൗണ്‍സിലര്‍ സി. ഹംസ പ്രസ്താവനയില്‍ ആവശ്യപ്പെട്ടു. നഗരസഭയില്‍ ഇടക്കിടെ പൈപ്പ് ലൈന്‍ പൊട്ടുന്നതിനാല്‍ കുടിവെള്ളം മുടങ്ങുന്നത് പതിവാണ്. ഉയര്‍ന്ന പ്രദേശമായ പന്നിയംകുര്‍ശ്ശിയില്‍ ഒരാഴ്ചയായി വെള്ളമില്ല. ഇതിന് പരിഹാരം കാണണമെന്ന് ആവശ്യപ്പെട്ട് ഉന്നത ഉദ്യോഗസ്ഥരുമായി ബന്ധപ്പെട്ടെങ്കിലും വ്യക്തമായ ഒരു മറുപടി ലഭിച്ചില്ലെന്ന് ഹംസ പറയുന്നു.