പെൺകരുത്ത് തെളിയിച്ച് വിദ്യാർഥിനികൾ

കരിങ്ങനാട്: പുതുതലമുറയിലെ പെൺപട ദുർബലരല്ല എന്ന് വിളിച്ചറിയിക്കുന്നതാണ് കരിങ്ങനാട് ഇസ്ലാമിക് ഓറിയൻറൽ ഹൈസ്കൂൾ വിദ്യാർഥിനികളുടെ പ്രകടനങ്ങൾ. ഈ കാലഘട്ടത്തിൽ ജീവിക്കാൻ ഇവ അനിവാര്യമാണെന്ന് ആയോധനകലകൾ അവർ പറയുന്നു. ഈ അധ്യയനവർഷത്തിലാണ് സ്കൂളിൽ കരാേട്ട, വുഷു, യോഗ എന്നിവയുടെ പരിശീലനം ആരംഭിച്ചത്. പുലാമന്തോൾ ഐ.എസ്‌.കെ ഡയറക്ടർ മുഹമ്മദാലിയുടെ ചിട്ടയായ പരിശീലനത്തിൽ ഒരു വർഷം കൊണ്ടുതന്നെ കരുത്തുറ്റ പ്രകടനമാണ് കുട്ടികൾ കാഴ്ചെവച്ചത്. ജില്ലതലത്തിലും സംസ്ഥാനതലത്തിലും നടന്ന യോഗ, വുഷു മത്സരങ്ങളിൽ സ്വർണം നേടിയ മിടുക്കികൾ ഈ കൂട്ടത്തിലുണ്ട്. മൂന്നാം ക്ലാസുകാരി ദിയ സംസ്ഥാന വുഷു ചാമ്പ്യൻഷിപ്പിൽ പങ്കെടുത്ത മൂന്ന് ഇനങ്ങളിലും സ്വർണംനേടി ദേശീയ വുഷു ചാമ്പ്യൻഷിപ്പിന് യോഗ്യത നേടിയിട്ടുണ്ട്.