വിദ്യാര്‍ഥി ചാലിയാറില്‍ മുങ്ങിമരിച്ചു

അരീക്കോട്: . ഊര്‍ങ്ങാട്ടിരി വടക്കുംമുറി ചെറ്റാലിമ്മല്‍ തിരുത്തിപറമ്പന്‍ അബ്ദുല്‍ കരീമി​െൻറ മകന്‍ ഇജാസ് (19) ആണ് മരിച്ചത്. കഴിഞ്ഞദിവസം രാത്രിയാണ് ചാലിയാറിലെ അരീക്കോട് പാലത്തിന് സമീപത്തുനിന്നും ഇജാസിനെ കാണാതായത്. പാലത്തിനുസമീപം ഇജാസി​െൻറ ബൈക്ക്, ചെരിപ്പ് എന്നിവ കണ്ടതിനെ തുടര്‍ന്ന് അരീക്കോട് പൊലീസും ഫയര്‍ഫോഴ്‌സും നടത്തിയ തിരച്ചിലിനിടെ ബുധനാഴ്ച രാവിലെ 11.30ഓടെ അരീക്കോട് പാലത്തിന് സമീപത്തുനിന്നും പുഴയിൽ മൃതദേഹം കണ്ടെത്തുകയായിരുന്നു. അരീക്കോട് സ്വകാര്യ കോളജിലെ ഡിഗ്രി വിദ്യാര്‍ഥിയാണ്. മാതാവ്: സല്‍മ. സഹോദരൻ: ശമീം.