പാചകത്തൊഴിലാളി യൂനിയൻ കൺവെൻഷൻ

വേങ്ങര: സ്കൂൾ പാചകത്തൊഴിലാളികളുടെ വർധിപ്പിച്ച ആനുകൂല്യം വിതരണം ചെയ്യുക, 250 വിദ്യാർഥികൾക്ക് ഒരു തൊഴിലാളിയെക്കൂടി നിയമിക്കുക തുടങ്ങി വിവിധ ആവശ്യങ്ങൾ ഉന്നയിച്ച് പതിനേഴിനു നടക്കുന്ന മാർച്ചും ധർണയും വിജയിപ്പിക്കാൻ സ്കൂൾ പാചകത്തൊഴിലാളി യൂനിയൻ (സി.ഐ.ടി.യു) വേങ്ങര സബ് ജില്ല കൺവെൻഷൻ തീരുമാനിച്ചു. ജില്ല കമ്മിറ്റി അംഗം കെ.എം. ഗണേശൻ ഉദ്ഘാടനം ചെയ്തു. കെ. കൗസല്യ അധ്യക്ഷത വഹിച്ചു. കെ. ശാരദ, സി. ചിന്നമ്മു, കെ. ശോഭന എന്നിവർ സംസാരിച്ചു.