ദേശീയപാത അപകട മേഖലകളിൽ ഡിവൈഡർ: ഉദ്യോഗസ്ഥർ പരിശോധന നടത്തി

തിരൂരങ്ങാടി: ദേശീയപാത പൂക്കിപറമ്പ് മുതൽ കക്കാട് വരെ അപകടം പതിവായ സ്ഥലങ്ങളിൽ ഡിവൈഡർ സ്ഥാപിക്കുന്നതിനായി പൊതുമരാമത്ത്, മോട്ടോർ വാഹന വകുപ്പ് ഉേദ്യാഗസ്ഥർ പരിശോധന നടത്തി. അപകടം പതിവായ സ്ഥലങ്ങൾ സന്ദർശിക്കുകയും അത്തരം ഇടങ്ങളിൽ സ്പയിൻ ഡിവൈഡർ സ്ഥാപിക്കുന്നതിനായി റോഡി​െൻറ ഇരുവശവും അളന്ന് ഉയര വ്യത്യാസം പരിശോധിക്കുകയും ചെയ്തു. മോട്ടോർ വാഹന വകുപ്പ് ഇൻസ്‌പെക്ടർമാരായ വി. അനുമോദ് കുമാർ, സി.കെ. അജിൽ കുമാർ, പൊതുമരാമത്ത് വകുപ്പ് ഉദ്യോഗസ്ഥരായ വിനോദ്, അനിൽ എന്നിവരുടെ നേതൃത്വത്തിലായിരുന്നു പരിശോധന നടത്തിയത്.