Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightത്രിപുരയിലെ വിജയം...

ത്രിപുരയിലെ വിജയം പാവങ്ങള്‍ക്കിടയിലെ സ്വീകാര്യത ^കുമ്മനം

text_fields
bookmark_border
ത്രിപുരയിലെ വിജയം പാവങ്ങള്‍ക്കിടയിലെ സ്വീകാര്യത -കുമ്മനം മലമ്പുഴ: ത്രിപുരയില്‍ ബി.ജെ.പിയുടെ ചരിത്രവിജയം തെളിയിക്കുന്നത് പാര്‍ട്ടിക്ക് പാവങ്ങള്‍ക്കിടയിലെ സ്വീകാര്യതയാണെന്ന് സംസ്ഥാന അധ്യക്ഷന്‍ കുമ്മനം രാജശേഖരന്‍. ഒ.ബി.സി മോര്‍ച്ച സംസ്ഥാന നേതൃ ശിൽപശാല സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ത്രിപുരയില്‍ സി.പി.എം വോട്ടും ബി.ജെ.പിക്ക് കിട്ടി. ത്രിപുരയിലും കേരളത്തിലുമെല്ലാം സി.പി.എമ്മും സി.പി.ഐയും മൂലധനശക്തികളുടെ പാര്‍ട്ടികളായി. കോണ്‍ഗ്രസും പാവങ്ങളുടെ കൂടെ നിന്നില്ലെന്നും അദ്ദേഹം പറഞ്ഞു. കമ്യൂണിസ്റ്റ് നേതാക്കളുടെ സ്വത്തിന് കണക്കില്ല. അവരുടെ മക്കള്‍ സുഖലോലുപരാണെന്നും കുമ്മനം കുറ്റപ്പെടുത്തി. ഒ.ബി.സി മോര്‍ച്ച സംസ്ഥാന അധ്യക്ഷന്‍ പുഞ്ചക്കരി സുരേന്ദ്രന്‍ അധ്യക്ഷത വഹിച്ചു. ബി.ജെ.പി ജില്ല അധ്യക്ഷന്‍ ഇ. കൃഷ്ണദാസ്, ജനറല്‍ സെക്രട്ടറി കെ.ജി. പ്രദീപ് കുമാര്‍, ഒ.ബി.സി മോര്‍ച്ച സംസ്ഥാന ജനറല്‍ സെക്രട്ടറിമാരായ അജയ് നെല്ലിക്കോട്, ആര്‍.എസ് മണിയന്‍, സംസ്ഥാന സെക്രട്ടറി അനില്‍കുമാര്‍, ജില്ല പ്രസിഡൻറ് എ.കെ. ഓമനക്കുട്ടന്‍, ജനറല്‍ സെക്രട്ടറിമാരായ കെ.സി. സുരേഷ്, അംബുജാക്ഷന്‍ എന്നിവര്‍ സംസാരിച്ചു.
Show Full Article
TAGS:LOCAL NEWS 
Next Story