23 വർഷങ്ങൾക്കുശേഷം അവർ വീണ്ടും വിദ്യാർഥികളായി

ME MN കാരകുന്ന്: വീണ്ടും കണ്ടുമുട്ടിയ ആ അപൂർവ നിമിഷത്തിൽ അവർക്ക് മുന്നിൽ വഴിമാറിയത് 23 വർഷങ്ങളായിരുന്നു. പലർക്കും പരസ്പരം തിരിച്ചറിയാനായില്ലെങ്കിലും എവിടെയൊക്കെയോ ഓർമകൾ തെളിഞ്ഞുവന്നു. കാരകുന്ന് ഗവ. ഹയർ സെക്കൻഡറി സ്കൂളിലെ 1994 - 95 ബാച്ചി​െൻറ പൂർവ വിദ്യാർഥി സംഗമമാണ് ഒത്തുചേരലിന് വേദിയായത്. വിശ്രമജീവിതം നയിക്കുന്ന അന്നത്തെ ചില അധ്യാപകരും പ്രിയ ശിഷ്യരെ കാണാനെത്തുകയും ഓർമകൾ പങ്ക് വെക്കുകയും ചെയ്തു. പ്രധാനാധ്യാപിക ഷീല ഉദ്ഘാടനം ചെയ്തു. മുൻ അധ്യാപകരായ മൊയ്തീൻകുട്ടി, അലവി, മുഹമ്മദ്, മറിയം, സുരേഷ് ബാബു, ശിവശങ്കരൻ, മുൻ സ്റ്റാഫ് അബ്ദു എന്നിവർ സംസാരിച്ചു.