ശുചീകരണം കഴിഞ്ഞ് ഏറെയായില്ല; അരീക്കോട് പട്ടണം മാലിന്യകേന്ദ്രമാവുന്നു

അരീക്കോട്: ഏകദിന ശുചിത്വ പരിപാടി കഴിഞ്ഞ് ആഴ്ചകൾ കഴിഞ്ഞപ്പോഴേക്കും അരീക്കോട് പട്ടണം ചീഞ്ഞു നാറുന്നു. ബസ് സ്റ്റാൻഡിലുള്ള പൊതു ശൗചാലയത്തി​െൻറ പരിസരം മാലിന്യം നിറഞ്ഞ് രോഗാണുകേന്ദ്രമായി മാറിയിരിക്കുകയാണ്. വാർഡ് തലങ്ങളിൽ ശുചീകരണ പ്രവൃത്തികൾ നടത്താൻ നിർദേശം നൽകിയിരുന്നെങ്കിലും പട്ടണത്തി​െൻറ മധ്യഭാഗത്ത് മാലിന്യമൊഴിയുന്നില്ല. കൊതുകി​െൻറ ഉറവിടങ്ങൾ കണ്ടെത്തി നശിപ്പിക്കാൻ ജനകീയ പ്രവർത്തനങ്ങൾക്ക് രൂപം നൽകിയ അധികൃതർ പഞ്ചായത്തി​െൻറ അധീനതയിലുള്ള പൊതു ശൗചാലയ പരിസരം ശുചീകരിക്കാൻ നടപടി സ്വീകരിച്ചിട്ടില്ല. ബസ് സ്റ്റാൻഡിനോട് ചേർന്ന് നിൽക്കുന്ന പൊതു ശൗചാലയത്തി​െൻറ വലതുഭാഗത്തും പിൻവശത്തുമാണ് പ്ലാസ്റ്റിക് മാലിന്യം ഉൾെപ്പടെയുള്ളവ കുന്നുകൂടിയിരിക്കുന്നത്. മാലിന്യം കുന്നുകൂടിയതും കംഫർട്ട് സ്റ്റേഷനിലെ ദുർഗന്ധവും കാരണം യാത്രക്കാർ മൂക്കു പൊത്തേണ്ട അവസ്ഥയിലാണ്.