കാലവർഷക്കെടുതി നഷ്​ടപരിഹാരം വർധിപ്പക്കണം –കെട്ടിട ഉടമകൾ

മലപ്പുറം: കാലവർഷക്കെടുതിയിൽ നാശനഷ്ടങ്ങൾ സംഭവിച്ചവർക്കും ജീവൻ നഷ്ടപ്പെട്ടവരുടെ കുടുംബങ്ങൾക്കും കെട്ടിടങ്ങൾക്ക് നാശം സംഭവിച്ചവർക്കും നൽകുന്ന നഷ്ടപരിഹാരത്തുക വർധിപ്പിക്കണമെന്ന് കേരള ബിൽഡിങ് ഓണേഴ്സ് വെൽഫെയർ അസോസിയേഷൻ ജില്ല കൗൺസിൽ യോഗം ആവശ്യപ്പെട്ടു. സംസ്ഥാന പ്രസിഡൻറ് പഴേരി ഷരീഫ് ഹാജി ഉദ്ഘാടനം ചെയ്തു. സബാഹ് വേങ്ങര അധ്യക്ഷത വഹിച്ചു. നടരാജൻ പാലക്കാട്, പി.പി. അലവിക്കുട്ടി, എടവണ്ണ മുഹമ്മദ്, എം. ഹസ്സൻ മഞ്ചേരി, ചങ്ങരംകുളം മൊയ്തുണ്ണി, ഫക്രുദ്ദീൻ തങ്ങൾ നിലമ്പൂർ, ഇബ്നു ആദം മലപ്പുറം എന്നിവർ സംസാരിച്ചു.