പ്ലസ്​ വൺ സീറ്റ് വർധിപ്പിച്ചു

മലപ്പുറം: ജില്ലകളിലെ എല്ലാ സർക്കാർ, എയ്ഡഡ് ഹയർ സെക്കൻഡറി സ്കൂളുകളിലും പ്ലസ് വണ്ണിന് 10 ശതമാനം സീറ്റ് വർധിപ്പിച്ചു. മന്ത്രിസഭ യോഗത്തിലാണ് ഇതുസംബന്ധിച്ച് തീരുമാനമുണ്ടായത്. സംസ്ഥാനത്തെ എല്ലാ സർക്കാർ, എയ്ഡഡ് ഹയർ സെക്കൻഡറി സ്കൂളുകളിലും ഈ അധ്യയനവർഷം 20 ശതമാനം സീറ്റ് വർധിപ്പിച്ചിട്ടുണ്ട്. ഇതിനു പുറമെയാണ് മലപ്പുറം, കോഴിക്കോട്, പാലക്കാട്, കണ്ണൂർ, വയനാട്, കാസർകോട് ജില്ലകളിൽ 10 ശതമാനം സീറ്റുകൂടി വർധിപ്പിച്ചത്.