ഷാഹിമിനെ ആദരിച്ചു

പുലാമന്തോൾ: അഞ്ച് മീറ്ററിലധികം വെള്ളമുള്ള കിണറ്റിൽ വീണ നാലുവയസ്സുകാരനെ രക്ഷിച്ച ഷാഹിമിനെ വിവിധ സംഘടനകളുടെ നേതൃത്വത്തിൽ ആദരിച്ചു. വളപുരം ടൗൺ മുസ് ലിം ലീഗ് കമ്മിറ്റിയുടെ നേതൃത്വത്തിൽ നടന്ന ആദരിക്കൽ ചടങ്ങിൽ പുലാമന്തോൾ പഞ്ചായത്ത് മുസ്ലിം യൂത്ത് ലീഗ് സെക്രട്ടറി ബഷീർ വാഫി അധ്യക്ഷത വഹിച്ചു. കെ.എം.സി.സി അംഗം കണ്ണീരി മൊയ്തീൻ കുട്ടി, നാസർ മാസ്റ്റർ, കെ.ടി. ഇസ്സുദ്ദീൻ, പി.ടി. ഗഫൂർ എന്നിവർ സംസാരിച്ചു. നാഫി സ്വാഗതം പറഞ്ഞു. ന്യൂമക്ക ഹോസ്പിറ്റൽ നൽകിയ കാഷ് അവാർഡ് മാനേജർ കെ.ടി. നാസർ മാസ്റ്റർ ഷാഹിമിന് കൈമാറി. വളപുരം പൗരസമിതിയുടെ ഉപഹാരം സെക്രട്ടറി റിയാസ് ഷാഹിമിന് നൽകി. ചടങ്ങിൽ സഫീർ, കെ.ടി. മനാഫ്, കമാൽ, സുബൈർ, റഫീഖ്, പി.ടി. മുസ്തഫ, ലത്തീഫ് എന്നിവർ സംബന്ധിച്ചു.