റമദാൻ റിലീഫ്​ വിതരണം

തൂത: സി.പി.എം തൂത ബ്രാഞ്ചി​െൻറ ആഭിമുഖ്യത്തിൽ റമദാനോടനുബന്ധിച്ച് 1000ത്തോളം കുടുംബങ്ങൾക്ക് റിലീഫ് വിതരണം ചെയ്തു. പാർട്ടിയുടെ കീഴിൽ അഞ്ച് വർഷമായി പ്രവർത്തികുന്ന 'ചാരിറ്റി'യുടെ നേതൃത്വത്തിൽ മരണവീടുകളിലും പാവപ്പെട്ട കുടുംബങ്ങളിൽ നടക്കുന്ന ചടങ്ങുകൾക്കും സൗജന്യമായി നൽകുന്ന പന്തൽ, കസേര, സ്റ്റൂൾ, ടേബിൾ, എൽ.ഇ.ഡി ലൈറ്റ് തുടങ്ങിയവയുടെ പ്രവർത്തനോദ്‌ഘാടനം മുൻ മന്ത്രി പാലോളി മുഹമ്മദ് കുട്ടി നിർവഹിച്ചു. ഏരിയ സെക്രട്ടറി വി. രമേശൻ, എൽ.സി സെക്രട്ടറി സി.പി. വിജയൻ, ബ്രാഞ്ച് സെക്രട്ടറി സി.എച്ച്. നാസർ, പി.കെ. ഹംസ, എൻ.പി. മുസ്തഫ, കെ. പദ്മനാഭൻ, കെ.എൻ. ഹനീഫ എന്നിവർ സംസാരിച്ചു.