ഖുർആൻ പരീക്ഷക്ക്​ മികച്ച പങ്കാളിത്തം

മലപ്പുറം: ഖുർആനിലെ 'ഇബ്‌റാഹീം' അധ്യായം അടിസ്ഥാനമാക്കി ജമാഅത്തെ ഇസ്ലാമിയുടെ നേതൃത്വത്തിലുള്ള ഖുർആൻ സ്റ്റഡി സ​െൻറർ പരീക്ഷ സംഘടിപ്പിച്ചു. ഒരേ സമയം ജില്ലയിലെ മുന്നൂറോളം കേന്ദ്രങ്ങളിലാണ് പരീക്ഷ നടന്നത്. സ്ത്രീ, പുരുഷ പ്രായഭേദമന്യേ അയ്യായിരത്തിലധികം പേർ പങ്കെടുത്തു. പ്രതിസന്ധികൾ അഭിമുഖീകരിക്കുമ്പോൾ സത്യവിശ്വാസികൾക്ക് സമാശ്വാസം നൽകുന്ന പ്രമേയം ഉൾക്കൊള്ളുന്ന ഈ അധ്യായം റമദാനോടനുബന്ധിച്ച് പ്രത്യേകം പഠനവിധേയമാക്കുക എന്നതായിരുന്നു പരീക്ഷയുടെ ലക്ഷ്യമെന്ന് കൺവീനർ പി.കെ ഹബീബ് ജഹാൻ അറിയിച്ചു.