സമൂഹ മാധ്യമ ഹർത്താൽ: അഞ്ച് പേർ കൂടി അറസ്​റ്റിൽ

പാലക്കാട്: വാട്സ്ആപ്പിലൂടെ പ്രചരിച്ചതിനെ തുടർന്ന് നടത്തിയ ഹർത്താലിൽ പാലക്കാട് അഞ്ച് പേർ കൂടി അറസ്റ്റിൽ. പാലക്കാട് ടൗൺ സൗത്ത് പൊലീസാണ് അറസ്റ്റ് ചെയ്തത്. വിഡിയോ ദൃശ്യങ്ങൾ പരിശോധിച്ചതിനെ തുടർന്ന് പൂക്കരത്തോട്ടം, ജൈനിമേട് സ്വദേശികളായ ജുനൈദ് (23), അബൂതാഹിർ (22), അനീഷ് (21), സക്കീർ (26), മുഹമ്മദ് റംഷാദ് (24) എന്നിവരെയാണ് അറസ്റ്റ് ചെയ്തത്. വരും ദിവസങ്ങളിൽ കൂടുതൽ പ്രതികൾ പിടിയിലായേക്കാമെന്നും പൊലീസ് സൂചിപ്പിച്ചു. കശ്മീരിൽ എട്ടു വയസ്സുകാരി ബലാത്സംഗം ചെയ്യപ്പെട്ട് കൊല്ലപ്പെട്ടതിൽ പ്രതിഷേധിച്ചായിരുന്നു ഹർത്താൽ.