അപകട ഭീഷണിയായി സ്കൂളിന് മുന്നിലെ ഉണങ്ങിയ മരങ്ങൾ

വള്ളിക്കുന്ന്: ഒന്നുമുതൽ ഹയർ സെക്കൻഡറി വരെയുള്ള വിദ്യാർഥികൾ പഠിക്കുന്ന സ്കൂളിന് മുന്നിലെ ഉണങ്ങിയ മരങ്ങൾ മുറിച്ചുമാറ്റാൻ നടപടി വൈകുന്നു. പരപ്പനങ്ങാടി-കടലുണ്ടി റോഡിൽ അരിയല്ലൂർ എം.വി ഹയർ സെക്കൻഡറി സ്കൂളിലെ പ്രധാന കവാടത്തിന് മുന്നിലാണ് രണ്ട് വലിയ മരങ്ങൾ ഉണങ്ങി നിൽക്കുന്നത്. മണൽ പ്രദേശമായതിനാൽ മരം ഏതുസമയവും വീഴാനും സാധ്യതയുണ്ട്. ശക്തമായ കാറ്റും മഴയുമുള്ളപ്പോൾ ഭീതിയിലാണ് നാട്ടുകാർ. സ്കൂൾ തുറക്കുന്നതിന് മുമ്പ് മരം മുറിക്കണമെന്നാണ് നാട്ടുകാരുടെ ആവശ്യം. ഫോട്ടോ. അരിയല്ലൂർ എം.വി ഹയർ സെക്കൻഡറി സ്കൂളിന് മുന്നിലെ ഉണങ്ങിയ മരങ്ങൾ